terça-feira, janeiro 24, 2006

Orfeu en Compostela

Brevemente, aproveito este espazo virtual para facer saber a tódolos lectores e lectoras desta bitácora que o XOVES, 26 de Xaneiro terá lugar a presentación do poemario 'Orfeu en Soños', de Ramón Blanco Fernández, en Santiago de Compostela. O acto desenvolveráse na Galería Sargadelos a partir das 8 da tarde, e estará presentado por David Pérez Iglesias e Paulino Vázquez.

Se podedes, non deixedes de acudir.


"Esperta este Orfeu en soños de vedraia tumba de marbre, nun illote fronte ás costas de Tracia, erguendo a fonte limpa do seu canto e a súa profética sombra (Pantasma de dubidoso aspecto) dende as primeiras páxinas do libro. Mais non recalará a súa lira nas costas mediterráneas –homérico mar, escuro coma o viño–. Na súa singradura escorregan ronseis e hexámetros clásicos sobor das ondas, e os timoneis –de Ulises a Derek Walcott e Manuel Antonio– sucan por mares nunca de antes navegados. O obxetivo son as Illas Afortunadas, metáfora ou paráfrase incompleta da Arte e da Poesía Boa. Cada poema é arquipélago de seu; os versos, as imaxes corren en carreira desbocada, iluminan uns instres antes de apagarse –como chama– e seren sobrepasadas na carreira. Recalada nunha illa: rubimos entre o recendo de rústicas flores a tortuosa xeografía da sintaxe".

7 comentários:

satine disse...

acudir o acto é imposible, pero tentarei botarlle unha ollada, gracias pola recomendación.

FraVernero disse...

Pena que non te podas pasar, ou. Nembargantes, seguro que nos acompañas no sentimento (nada funerario), e se chegas ao libro, seguro que o disfrutas. Un saúdo.

Sir Gawain disse...

Envio unha aperta emocionada para a presentacion do libro de Ramon: non estaremos e sen embargo estaremos.

(Penso que teria sido unha noite memorable e, por outra banda, alegrome de continuar presente nos teus sonhos, mon amour.)

eue disse...

O traballo impídemo, pero heime facer co libro, que xa o vin recomendado unha chispa de veces no blogmillo.

maré aberta disse...

Solicíto-lhe permiso para anunciarvos cá um acto no que o membro do COLECTIVO LITERARIO SACOU; Ramón Blanco, apresentará o seu primeiro livro. Todo Maré Aberta estará lá.

Esta vindeira 5ª feira (joves), apresentara-se em Santiago de Compostela, concretamente em Sargadelos (Casco histórico), às 20:00 o livro de Ramón Blanco (Colectivo Sacou) "Orfeu en soños". Parte, senom toda, a tripulaçom deste barco estará alô. Convido a todos os visitantes deste blog que nom perdam a oportunidade de conhecer a um poeta que, com plena certeza, dará muito que falar no futuro da nossa literatura.
O acto estará apresentado por David Perez Iglesias e Paulino Vazquez.

Umha forte aperta e gostaría que de estardes interesasdos vos pasásedes polo acto.

Saudos do Capitam de Maré Aberta!!!

tío Pepin disse...

Poi vou ter que facerme co libro de marras, aínda que só sexa por ver se Fra Vernero e máis eu compartimos algo máis que estes diálogos virtuais de besugos/ollomoles.

E xa que estou aquí, pola cara, como noutras ocasións, aproveito para mandar un par de saúdos (típical cutre tv.): a Sir Gawin, que me adicou nun destes posts de Fra Vernero unha canción, e a Flor de Lis, a quen lle entro sempre no blog e a quen felicito polo mesmo (os sen blog que blogueamos temos estas cousas).

Merci, Fra Vernero, débolle unha.

FraVernero disse...

Buff... detesto os cibers. Estar sen conexión á rede é unha tremenda fonte de incordios, podédesme crer. Os computadores destes tugurios (e os da aula de informática) son antediluviáns, cargan mal, ata é traballoso escribir...
(abonda de lamentacións)
Unha breve crónica do acontecido na presentación: todo un éxito. A galería Sargadelos agrupou arredor dunha cincuentena de persoas, incluíndo algunhas caras coñecidas (as poetas María do Cebreiro, Olalla Cociña, Lara Araúxo; os profesores Anxo Tarrío, Blanca Ana Roig e Inma López Silva), xunto ás dos amigos e interesados.
A presentación, impecábel. Varias referencias a Adorno e a Derrida, xunta con sisudas e cómicas reflexións sobor dos poemas do 'Orfeu', as súas fontes e as tendencias da literatura galega. David e Paulino estiveron soberbios e un chisco aduladores, como sempe compre neste tipo de circumstancias.
O autor, nerviosísimo, posmoderno (iso digámolo polo fragmentarismo e descentramento), detallista. Só botamos en falla, quizaves, máis recitado de poemas.
Tampouco faltou unha referencia cariñosa cara os ausentes bologneses.
Calquera dúbida a maiores que teñades, será un pracer respostárvola aquí. Vós preguntade...