terça-feira, janeiro 30, 2018

Libros do Mes


The Age of Confucian Rule: The Song Transformation of China de Dieter Kuhn

Ritual Texts for the Afterlife: Orpheus and the Bacchic Gold Tablets de Fritz Graf e Sarah Iles Johnston [E]

The Science of Discworld 2 – The Globe de Ian Stewart / Terry Pratchett / Jack Cohen

La Aventura de Contar de Filippo Annovi

The Vanished Library: a Wonder of the Ancient World de Luciano Canfora [E]

*Los secretos del número π de Joaquín Navarro

*Men of Mathematics de E.T. Bell [E] [R]

*The Troubled Empire: China in the Yuan and Ming Dynasties de Timothy Brook [E]

*Matemáticas I (Bachillerato) de J. Colera Jiménez et al.

quinta-feira, janeiro 25, 2018

O Vernero que foi: Xaneiro '07

Na novela de Michael Moorcock 'The King of the Swords' -parte da primeira triloxía adicada ao Príncipe Corum Jhaelen Irsei- fai acto de presenza unha brétema maligna, the Cloud of Contention, que motiva sentimentos depresivos e homicidas nos que a perceben. Fitando atrás ás miñas vellas entradas do mes de Xano, cavilo en que eu mesmo estaba daquela no seu de tan perniciosa nube -not every cloud has a silver lining.

2007 ía ser un ano de peches e despedidas. Finaría con el a miña longa estadía en Compostela; finaría tamén o contacto co grupo de poetas 'comparatistas' cos que fixera boas migas nos anos anteriores, e que estaban a piques de dispersarse por Europa e os Estados Unidos a continuar carreiras académicas e literarias ás que non lles vían ningún futuro no noso país. Moitas longas xornadas e parolas dese inverno (e primavera, e verán...) desnovelaron conversas interminábeis nas que algúns deles tentaban persuadirme a seguilos nas súas Odiseas, a escapar dun futuro profesional e persoal coma docente de secundaria que eles vían acorante e estéril illa, na mellor liña de James Joyce e as súas tenebrosas lecturas da Irlanda natal. 

A calixe e o fuscallo tinxían tamén as miserias da miña vida persoal e afectiva, a amarga copa de absinta que gulapeaba grolo a grolo mentres as Fadas Verdes esluían e escapaban diante dos meus ollos etílicamente alucinados, para logo condensar en tristísimos textos literarios.

Os finais teñen un regusto agre, levan diante da Porta dos Novos Camiños que Están por Vir. Sen sabelo daquela, no 2007 finaba unha etapa valiosa e formativa, anque infeliz, que acabaría por confluír nun presente que puido encher os baleiros e pechar ocos, feridas e temores laborais e sentimentais que me perseguían -Santa Compaña- daquela.

quinta-feira, janeiro 18, 2018

Reto lector 1 - The Science of Discworld 2

Anque pareza mentira, confésome moi remiso a recomendacións, clubes e propostas de lecturas, quizaves pola mesma razón pola que cada día merco menos libros en librarías: soio ter cristalinamente claro o que quero ler (e ter), e aínda para iso non atopo nunca o tempo que necesito. Porén, e logo dunha desas suxerencias tan típicas das redes sociais que me fixo unha compañeira de carreira, considerei asumíbel o seu 'reto lector', xa que a amplitude das súas categorías poñía pouca eiva a incorporalo á miña práctica cotiá.

Para xaneiro o reto propón "un libro que tes pero que non leras", algo que no meu caso abarca a arredor do 60% da miña biblioteca. Escollín un exemplar de Terry Pratchett, parte da serie de volumes que fixo en colaboración con dous científicos (o matemático Ian Stewart e o biólogo Jack Cohen, magos honorarios da Universidade Invisíbel) e que mesturan a ficción do Mundodisco coa divulgación científica. The Science of Discworld 2 - The Globe non me decepcionou, anque iso era algo que xa agardaba; de feito, topeino aínda máis deleitador e instructivo do que o seu antecesor, que xa lera e disfrutara uns meses atrás. É que que inclúa a William Shakespeare, á Inglaterra Isabelina e aos Magos (éstes non honorarios) máis sonados de Ankh-Morpork é unha aposta segura para seducirme.

























Pregúntome, e non de xeito retórico, se algún día poderei rematar tódolos libros que posúo (e que acrecentan cada mes en alomenos 3 ou 4 exemplares). Quixera crer que sí, pero cada día tórnome máis escéptico...

quarta-feira, janeiro 17, 2018

Hispanici Libri - addendum

No caso de que algunha alma munificente pensara en empregar a lista duns días atrás para facerme un agasallo, que saiba que Ramón Blanco xa lle tomou a dianteira no que toca ao primeiro dos volumes, e que os pensamentos de Michel Eyquem en breve hanse sumar á miña biblioteca -da Tour de Montaigne á Casa de Muxía-.

sexta-feira, janeiro 12, 2018

segunda-feira, janeiro 08, 2018

Hispanici Libri

A día de hoxe, son poucos os volumes que merco en librerías. A preguiza e a distancia son elementos que contan, anque o máis decisivo é o repunante que me volvín: case todo o que merco está en inglés, e a poder ser, en edicións de tapas duras e bo papel, e con temáticas das que non hai moito en galego ou castelán: poesía chinesa e xaponesa anterior ao século XIX, matemáticas, clásicos anglosaxóns, etc...

Porén, algunhas cousas hai que, de andar máis por Compostela e as súas tendas, había mercar, e que seguramente vaia collendo nos próximos meses (e anos):

Ensayos (Galaxia Gutemberg)
de Michel de Montaigne, Javier Yagüe Bosch

Entremeses (Biblioteca Clásica RAE)
de Miguel de Cervantes

Los Cantos de Maldoror. Poesias (VARIOS GREDOS)
de Isidore Ducasse, Conde de Lautreamont

Poesía
de Luis de Gongora y Argote (Biblioteca Castro)

Mística. Tomo I.
Santa Teresa de Jesús (Biblioteca Castro)

La República De Las Letras (Acantilado)
de Marc Fumaroli, José Ramón Monreal Salvador

Cuando Europa Hablaba Francés (El Acantilado)
de Marc Fumaroli, José Ramón Monreal Salvador

La Alhambra (Alianza Forma (Af) - Serie Especial) Tapa dura – 4 dic 2006
de Oleg Grabar (Autor),‎ Jose Luis Lopez Muñoz (Traductor)

El cielo prometido: Una mujer al servicio de Stalin (Ariel)
de Gregorio Luri

Tristán e Isolda (Biblioteca Medieval Siruela, Tapa dura)
de Eilhart von Oberg, Gottfried von Strassburg, Victor Millet

Cantar de Mio Cid (Biblioteca Clásica RAE)
de Anonimo

La Cartuja de Parma (VARIOS GREDOS)
de Stendhal

Las Penas del Joven Werther (VARIOS GREDOS)
de Wolfgang Goethe (Tapa dura)

Vidas De Los Emperadores De Bizancio (VARIOS GREDOS)
de Miguel Pselo (Tapa dura)

Francisco de Quevedo. Poesía Completa (Tomo I) (Biblioteca Castro)
de Francisco de Quevedo