Libros do Mes

Foundation de Isaac Asimov [R]

The Poetry and Career of Li Po de Arthur Waley

*A Viaxe Xeométrica de Domingo Fontán de Alberto Fortes

*Elementos de Matemática Discreta de Emilio Bujalance et al.

*Socrates, Ironist and Moral Philosopher de Gregory Vlastos [E]

Prime numbers

 Sigo moi paseniñamente progresando co libro de Matemática Discreta. Eis os exercicios do apartado 1.2, dos que algún me fixo suar sangue. Agardemos que no exame sexan moi asequíbeis...

Como vou con retraso, a ver se esta tarde leo todo o apartado 1.3 (sobre Inducción) e comezo os exercicios, xa que para comezos de decembro debera ter rematado toda a sección de Teoría de Números.

O Vernero que foi - Outubro / Novembro '10

Unhas semanas atrás fedellaba cun pen vello que deixara de funcionar e que de súpeto resucitou, dándome acceso a cousas que consideraba perdidas, coma o meu horario do curso 2010-11 e a memoria de prácticas de dito ano académico. Repasando sobre todo esta última, vexo que o grupo de Básico 1 que impartía contaba con 19 alumnos, dos que arredor da metade acudían regularmente a clase; os dous de Intermedio 1 tiñan 29 e 28 respectivamente, con asistencia bastante elevada (nunca por debaixo da docena no grupo co maior absentismo); e o DECEL para profesorado tiña 20 no papel, e entre 6 e 12 na aula. Isto casa bastante coa lembranza que teño de clases bastante multitudinarias, sobretodo contrastadas coas actuais.

Fóra das aulas era a época tamén en que colaboraba con artigos mensuais para o suplemento cultural galego do ABC e preparaba algunha que outra ponencia nas xornadas de Terra de Outes (desta volta, concretamente, os epitalamios na poesía de Francisco Añón), en ámbolos dous casos enleado polas malas artes do 'segredario' Ramón Blanco. Aquí o vedes presentando o parladoiro nun espazo pouco ateigado (iso non se ve na foto) da Casa da Cultura:

Como algunhas cousas nunca cambian, un par de semanas atrás a mesma asociación, e o mesmo segredario, organizaron xornadas de conmemoración do poeta de Boel, incluíndo un acto no que se razoaba e solicitaba a museización e dinamización cultural da casa de Francisco e de Nicolasa. O que sí muda é que Ramón e mais eu contamos agora con máis canas, achaques, donas e crianzas, e no seu caso, cuns cantos libros (a maioría, sobre os Añón) na alxibeira.

Novamente me vexo na obriga de tirar do pensamento o adaxio de Ovidio, porque todo muda, mais nada se perde completamente.

Palatium Memoriae - Novembro 2010

 

Shopping Basket

 

Libros do Mes

Zhouyi: A New Translation with Commentary of the Book of Changes de Richard Rutt [E]

*The Poetry and Career of Li Po de Arthur Waley

*Socrates, Ironist and Moral Philosopher de Gregory Vlastos [E]

*Language Learning Strategies de Rebecca L. Oxford [E]

*Elementos de Matemática Discreta de Emilio Bujalance et al.

Palatium Memoriae - Outubro 2010 (2)

 

Matemática Discreta - exercicios do tema 1.1

Este curso na UNED matriculeime en 2 materias: Matemática Discreta no primeiro cuatrimestre e Xeometría Básica no segundo. Agardemos que dea feito co tempo que teño para adicarlle (estas pasadas dúas semanas case ningún, ao ter a a Mamo enfermo e na casa polas mañás).

O primeiro dos 15 minitemas do libro de texto (o 1.1), parte do bloque de Teoría Elemental de Números, vai sobre os Algoritmos da División e de Euclides. É material relativamente sinxelo, e os sete exercicios de final de tema non me deron demasiadas dificultades agás o 2, que requiría, penso, dunha certa 'astucia manipulativa alxebraica' da que aínda carezo. Nalgún caso, a resposta conseguina de xeito seguramente máis traballoso do estritamente necesario...

Shopping Basket

 

Palatium Memoriae - Outubro 2010 (1)

 

Libros do Mes

An Introduction to the Philosophy of Mathematics de Mark Colyvan [E]

The study of Wang Changling’s seven-character quatrain de Jing Huey Yang [E] [Dis]

Beyond the Lyric: Expanding the Landscape of Early and High Tang Literature de Xiaojing Miao [E] [Dis]

The Book of Lord Shang de Yuri Pines (tr.)

*Language Learning Strategies de Rebecca L. Oxford [E]

*An Introduction to the Foundations & Fundamental Concepts of Mathematics de Eves e Newsom [P]

*Zhouyi: A New Translation with Commentary of the Book of Changes de Richard Rutt [E]

O Vernero que foi - Setembro '10

Comezaba o curso 2010/2011, que ía ser o do meu ano en prácticas e primeiro tamén do meu traballo a tempo completo. Nas entradas literarias daqueles días, porén, nin releo referencia algunha á experiencia das primeiras aulas e reunións en Ribeira e Compostela. O meu horario incluía dous grupos de Intermedio 1 (o primeiro bastante numeroso: serían pouco menos de 30 alumnos), un grupo pequeniño de Básico 1 e outro por determinar (logo de dous meses, concretouse nun curso de nivel Intermedio 2 para profes). Nunca esquencerei os comezos da primera sesión lectiva, na aula "Exeria" do IES Número 1 de Ribeira: o agochado terror e pánico escénico, a morea de caras fitándome, o fervido repasar do lesson plan no libro e na cachola... O certo é que o primeiro ano foi un bo chisco estresante, como cando tes que aprender da nada a facer un traballo por primeira vez. Os resultados penso que foron dignos anque, dende a perspectiva do hoxe, moi mellorábeis, e agardo que os meus discentes daquela, moitos dos cales lembro con bastante claridade, non sufriran en demasía os meus primeiros e algo perdidos pasos docentes.

Tampouco presentes nas entradas están os trámites para traer á miña wife to be dende o Xapón, enrolándoa nun máster de edición de textos da USC, ou os traballos e os días no suplemento cultural do ABC, entre os que estaba a reseña da Antítese Nativa, de Manuel López. De seguir dito suplemento en pé, habían faltarme meses para todas as reseñas a publicar de Manuel hoxe, tras un par de anos en que recibiu mancheas de premios e outras tantas publicacións - o derradeiro comunicoumo un par de días atrás: o XXV Premio Avelina Valladares de Poesía.

Estes días Noriko anda traballando por Portugal, e xa mercou algúns pasteis de Belém e goiabada para traer de volta este xoves á noite. O ouruboros conecta en eterno retorno cunha das entradas daquel setembro, precisamente adicada á larpeirada lusitana que tanto me gorentaba e gorenta. É que coma dicía o poeta de Sulmo, omnia mutantur, nihil interit.

Palatium Memoriae - Setembro 2010 (2)

Outro feixe das mini-reseñas pendentes de lecturas pasadas. Penso que para a propia tanda vou repasar, de todos xeitos, o contido dos libros; non tanto por falsear a memoria do que lembro deles, senón para facilitar que os resumos poidan servir (ou non) de estímulo ás vosa lectura.

Shopping Basket

 

Libros do Mes

Eis as lecturas deste mes, sempre menos das que desexaría, e moitas menos dende que teño un neno pequeno. Decidín crear unha nova etiqueta, [P], para libros emprestados (xa sexan de amigos ou de bibliotecas).

Mathematical Lives de Umberto Bottazzini et al. [E]

Ts'ao P'i Transcendent de Howard L. Goodman [E]

Lenguaje matemático, conjuntos y números de Miguel Delgado e Mª José Muñoz

Pearl from the Dragon’s Mouth de Cecile Chu-chin Sun [E]

*The Book of Lord Shang de Yuri Pines (tr.)

*An Introduction to the Foundations & Fundamental Concepts of Mathematics de Eves e Newsom [P]

*An Introduction to the Philosophy of Mathematics de Mark Colyvan [E]

興 (xing)

 "Este fenómeno apunta cara dúas tendencias interrelacionadas na práctica artística chinesa, a saber: unha tendencia orientada cara o mundo real e outra orientada cara o dominio do perceptual. Por tendencia orientada cara o mundo real refírome ao forte impulso artístico de referirse a unha realidade concreta. A influencia omnipresente do "ambiente" na poesía chinesa, figurando coma contexto físico, é certamente unha expresión disto. Percíbese coa máxima claridade e pathos en poemas sobre o pasado remoto (huai-ku), onde os sentimentos do poeta vense activados poal escea actual atopada ao ascender a lugares elevados (teng-kao) ou visitando un lugar histórico. Que o evento emocional sexa traído á superficie na maioría dos poemas chineses por un 'escenario' evocador suxire a maiores que o apego á realidade externa está íntimamente ligado á outra tendencia; isto é, a creación poética na tradición chinesa vai esencialmente sobre aquilo que é percibido de xeito intuitivo como resultado dunha reacción e compromiso espontáneo con estímulos concretos da realidade externa".

Cecile Chu-chin Sun, en Pearl from the Dragon's Mouth: Evocation of Feeling and Scene in Chinese Poetry  

Palatium Memoriae - Setembro 2010

Aproveitando que dende aquel setembro de once anos atrás comecei a facer a listaxe dos libros que rematara nos recentes 30 (ou 31) días, aproveito as ditas listaxes para facer unha nova sección, antítese da damnatio memoriae, na que repasar o que lembro daqueles exemplares, a miña valoración estética e/ou intelectual deles o grado en que tornaron en obras influíntes da miña vida e pensamento. Fareino a través de mini reseñas que penduro na miña canle de youtube: aquí vos vai a dos primeiros catro dos oito libros cos que comezara.

O Vernero que foi - Agosto '10

Logo do triunfo estival nos exames de acceso ao mandarinato, a canícula de 2010 debeu ser unha época de pracer, descanso e lecturas intensificadas, anque a miña escasa memoria ten que recorrer a fotos e entradas vellas para iluminarme. Testemuño dos libros que navegaba son dúas entradas que releo e que me permiten reconstruír o groso de ditas lecturas; un proceso de reconstrucción e loita contra o tempo e o esquecemento facilitado a partir do mes seguinte polo comezo dunha sección/listaxe de libros lidos e/ou en curso como derradeira entrada mensual, e que me vai permitir, dende este setembro, crear unha nova sección de podcasts coas miñas lembranzas, valoracións e e interiorización de ditas lecturas. 

Un pouso de fel dame ver a entrada (e a foto) da nosa cadela Clío, desaparecida nestes once anos entre noite e néboa; o libro que ela tamén tentara interiorizar por vía oral fica aínda no piso da rúa Capela, e este tarde funlle a tirar unha foto, testemuño mudo da súa ausencia e da súa inocente trasnada. Con gusto deixaríalle hoxe engulir boa parte da miña biblioteca a cambio de tela de novo a man, tirarlle das orellas e rascarlle o bandullo unha outra volta...

Algo que non vexo na bitácora pero que acaba de refrescarme Emaín a través de publicación no facebook é que no agosto de 11 anos atrás estabamos tamén na Casa da Cultura de Outes (tamén visitada hoxe a súa biblioteca) para presentar o seu primeiro libro, Antítese Nativa. Neste periodo de confinamento, Manuel López gañou tantos premios e publicou tantos libros que non ser por onde comezar esta volta, pero tentarei cada mes ou par de meses ir metendo unha reseña de cadanseu libro; se segue ao mesmo ritmo de escrita e publicación, penso que non as rematarei ata dentro doutros once anos máis...

Shopping Basket

 

Libros do Mes

Aeschylus I (Persians...) de Alan H. Sommerstein (tr.)

The Universe Speaks in Numbers de Graham Farmelo

Stalingrad de Vasily Grossman [E]

*Mathematical Lives de Umberto Bottazzini et al. [E]

*The Book of Lord Shang de Yuri Pines (tr.)

*Lenguaje matemático, conjuntos y números de Miguel Delgado e Mª José Muñoz